Riduci				Ingrandisci
Clicca qui per stampare

Bella, ma in dialetto, è l'ultima che pubblichiamo 25/03/2010

Co' sti "paestinesi" ( "moderati", i ghe ciama, quei che s'intende...) Israele dovaria far pace ritirandose drio i confini del 1967 (indifendibili dae "belve feroci"! basta vardar 'na cartina geografica e conoser la storia de Israele de sti ultimi sessant' ani) e lasarghe Gerusalemme est par poder piantar i lanciamissili e colpir i gangli vitai dello Stato a un tiro de sass (si, parché, dové saver, che Gerusalemme l'é la capitae, no Tel Aviv, come ve conta i giornai, radio e  teevision), e alla Siria tornarghe el Golan par trasformarlo in poigono de tiro (e rovinarme tut el Cabernet Sauvignon, ovviamente, che i israeliani i ha piantà in quee colline. Sol che Osama-Obama ('na rima che fa vegner el pel mat!) pol pensar 'na roba cussì da karakiri, oltre che Eurabia e quel democratico dell'"amigo" Putin; ma si, metemoghe anca el psicopatico de Teheran insieme, cussì fazen un bel "quintetto", tanto no l'é mia sua (de lori,s'intende) la "pel". Come che usa dir el prof.Volli: i tangheri (par stavolta ciamemoi cussì) vol applicar la teoria del carciofo, foja par foja se ariva al "cuor". Quindi no ste crederghe, te ghe da una man e no i se contenta gnanca del bras, i vol proprio tut. Prové sol che immaginar se in Israele, che ovviamente cambiaria nome, dovesse comandar ste teste calde dei cosideti paestinesi: nel giro de poc, quea Terra saria irriconoscibie, e ste sicuri ch' el Vaticano no verzaria boca (come adess, a ogni piè sospinto, contro chi seo sa), parché el conosse ben come che i terroristi ottien el consenso..... Par fondar uno Stato serio e farlo funsionar ghe vol teste fine e sti qua i conosse sol che un  mestier e la causa del so faimento la vegnaria scaricada su chi? Provelo a immaginar, conosendo un fià de storia, no ghe vol tant...Del resto 'sti "moderati" i ha sol che 'na granda invidia; no i ha petrolio ma invidia tanta e una bea reigion, che purtroppo fa tut-un co' lo Stato e sta qua l'é 'na gran disgrasia (ma no par i nostri "sinistri-atei" evidentemente,chè una volta i avaria spakà el cavel in quatro par contestar un afar del genere), ma cussì no se pol far tanta strada. Eh, l'Illuminismo, gran bea invension, ciò! Ciao a tuti, vae a lezerme qualche pagina de "Vita e destino" (Vasilij Grossman,ed.Adelphi), ma no penso che durerò pì de do-tre pagine, parché riverà subito Morfeo a ciorme su. Come lettura ve-a consiglio, ottosento e rote pagine ben spese, che ve dària un bel sgorlon nea suka, el ve faria far 'naltro bel "scain", par no farve inkokonar dal primo che vea conta massa pujto e, credeme, mi parle par esperiensa. bruno P.S.: sul Golan speren che i tegne duro, parché, pararìe, ch'el nostro Presidente, "in camera caritatis", el se fusse bel za pentì dea so "sparata", (oh, dio, anca su Gerusalemme, s'intende), parché lori no i avaria la pàse de sèrto e mi pérdaria de sicuro el Cabernet Sauvignon 14°. Ma quea sera, dopo 'na zena che no dismentegherò pì  a Gerusalemme presso 'na fameja de triestini, son tornà in albergo col taxi, veo posso assicurar e me son indormensà sensa gnanca dover lezer un fià. Ah, prima che me dismenteghe, lezeve l'allegato del professor Volli, se voé capir mejo tut quel che ve ho contà.   Bella, ma in dialetto, è l'ultima che pubblichiamo. non se l'abbia a male, non abbiamo nuilla contri i dialetti, anzi. ma vogliamo essere comprensibili a tutti, e per questo c'è solo la lingua italiana. un saluto cordiale, IC redazione